投白票你不如投周浩鼎?

關於投票,本來我諗住收爹,自己低調做下義工就算,橫掂香港係生係死,客觀上已經關鳩我事,可以大條道理放心食花生就算。

我低調參與一位候選人的競選義工工作,親身見著候選人及團隊那患得患失的情緒及壓力。我可以想像,要一位候選人向自己團隊確認退選,面對的壓力及失望是如何地大,是如何令人傷感難受的事。

而今夜,大局為重,有五個這樣的團隊——今夜其實是傷感的一夜。

棄選的人中,不乏有心有力之人,實在比部分準備不足,水平低下,開口埋口只有一兩個空洞無物的「關鍵詞」鳩吹亂噏之徒,有過之而無不及。不過生於亂世,有能者未逢其時,難以普及,時也命也。無可奈何。

大局為重。唯有不讓他們的努力白費。

這時收到朋友問訊,問唔知超區點投好。

我說有人棄選了——我以為答案很明白。

那我投白票,朋友說。

我問:乜你好想建制派贏咩?咁你不如投畀周浩鼎啦!再唔係就黃國興啦。原來你一直係建制派。

我當時嬲到手震。

我一直唔明白,個啲「#射落海都唔投XXX」「#投建制都唔投泛民」,點解有人講。更加唔明,點解有人聽。

建制係幾十年來一直綁住你打柒你個個大舊衰,泛民係同你一齊被人綁被人打,試過反抗不過 (你覺得) 無乜效,而且寸過你兩嘴既人。宜家有把刀仔,你一定要畀一個人 (今次把刀仔你冇份),你竟然話畀大舊衰都唔畀你隔離個個?你冇病呀?

你話隔離條友正白癡仔,同你又面阻阻冇計傾,畀佢都無用不如掉落地。你冇病呀?掉左落地,大舊衰會執左佢架,跟住用來捅你架。用下腦啦。

你話你就係中意畀人捅,有被虐癖,被人捅先會性興奮知道宜家情況幾咁壞,性興奮左知道情況壞你就有力打大佬。咁我冇野講啦,屌,你咁重口味,咁撚超時代身體構造,點夠你玩。我都唯有見識下你咁撚勁既乜撚野結構,之後點樣變身打返轉頭啦。

最後朋友話我做乜話佢投共,話我咁講好侮辱。我話,你就算無意投共,但你想做既實際效果就係幫左建制派,罪加一等。現實擺在眼前,投白票同你掉把刀仔落地,等個衰人去執。宜家你覺得自己發下脾氣冇乜大不了,現實就係,發左脾氣等於投票畀周浩鼎,等於畀把刀仔個大舊衰。你仍然覺得咁好,咁唔阻你。

算,其實真係關鳩我事。屌你。

(至於有人話其實隔離條友係同大舊衰一齊打柒你既。咁既講法我費撚事回應了,根本唔係 #平行時空 ,就係 #全世界都想我死 被害妄想症——我指我自己呀,唔好咁撚玻璃心啦,屌。)

選舉廣告聲明:我唔識法律,但我叫人投周浩鼎同黃國興,係咪要加返一千幾百萬落佢地選舉經費條數度呢?我又唔知其他人邊撚個有得選 / 未被人禁選 / 未退選喎。

 

 

 

Advertisements
本篇發表於 南北時政, 南北時政 並標籤為 , , , , , , , , , , 。將永久鏈結加入書籤。

回應

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s