又拜山啫,又犯法呀?

前篇:《拜山啫,犯法呀?

今年啲同學又租旅遊巴約埋一齊打齋拜山,拜個廿幾年前畀人打死左既同學。上年都知你同個死鬼同學唔熟,之前都見你冇興趣,今年都預左你唔到。

但你今年唔到不特止,啲同學都未約好人,你就週圍叫人唔好去拜山,話拜山冇 9 用,點都要有個完結。又話,同學畀人打死左,同世上千千萬萬個畀人打死既人一 9 樣,唔使特別理,不如用啲時間同你一齊搞startup。

其實你自己檔startup好多野都重係得個講字,好多人都唔覺有乜機會成事,得你自己唔知做乜懶有信心,咁都算。其他人講兩句話你檔野有呢樣個樣問題,有啲本來係想幫你一齊解決問題等你有啲機會成事,但你乜道理都唔聽,人地一講有問題你就 X 柒人,咁宜家大家都怕左你。咪各有各做囉,本來都冇人可以阻到你。

一齊拜山有冇用,上年講過,你覺得冇用就咪蒞囉,都冇預你啦。但倒返轉,啲同學約埋去拜山,你阻住人叫人唔好拜山已經夠奇怪,重畀你講到人地去拜山,好似會害左你,會阻住你檔startup咁。喂大佬,你檔野查實係乜 9 野蒞架,人地拜個山都會搞到你咁 L 化學既?

咁問多你兩句,原來你最唔妥個拜山搞手一直都要堅持拜山時要講句「世界和平」。你話你冇責任保持世界和平,又話世界和平唔會就咁年年圍埋講就會實現,覺得咁講好 on9。咁我知呢句野係真係得個講字,不過咁多個拜山既人,本身個個諗法都有啲唔同架啦,都冇可能搞手講既野,全部同學全部都贊成架啦。咁搞手出心出力搞打齋book巴士,又唔係講CY萬歲,都係講句「世界和平」啫。「世界和平」本身又唔係乜壞事,就算講左唔會實現,我都係求其講當許個願,互相鼓勵下心靈雞精一下咪算囉。呢句說話再冇用,都係一句齋噏啫,又唔係講左就要入伍去聯合國維和部隊當兵,又唔係講左就要你捐身家瞓身支持,你使唔 L 使咁緊張呀?你做乜講到人地講句說話,好似落你降頭咁大仇口呀?

講到尾,本來都冇預你一齊拜山,你自己個日中意食飯睇戲,或者搞你檔startup咪自便囉。就算有同學應承左同你一齊搞startup,咁人地一年先行開幾個鐘拜個山啫,使唔使講到好似背叛左你,殺左你全家咁 L 大件事呀?人地約拜山,犯法呀,使唔使話人地係雞係鴨呀?

問多你一次啦,查實你檔野係乜 9 野蒞架,啲人講句說話,又或者行開幾個鐘拜個山,你檔野就會冧咁 L 化學,其實係做乜架?你有乜企圖架?其實你搞緊乜呀?

廣告
本篇發表於 Uncategorized, 南北時政 並標籤為 , , , , , , , 。將永久鏈結加入書籤。

One Response to 又拜山啫,又犯法呀?

  1. H 說道:

    大家夾錢買燒豬同車錢,咪無人科水俾佢搞startup 囉。
    (連續幾年見某政團,邊屌邊喺人哋門口勸捐,錢箱仲要多過場內)

    喜歡

回應

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s