拜山啫,犯法呀?

廿幾年前有個舊同學,冤冤枉枉係學校死 L 咗。咁多年每年都有同學幫手租架旅遊巴,約埋一齊去拜山,順便打堂齋。圍埋一齊梗係一齊X,鬧做乜阿同學死得咁 L 冤枉,總有一日要佢沉冤得雪。

廿幾年,同學畢晒業返晒工,各有各忙。大家都知,一年一次圍埋一齊 X 下,其實都唔可能會點。有啲人來到重要主要當聚下舊,有啲搞手都唔知係咪志在係度sell野,面目可憎,堂齋又悶又唔係好食,個道士撚埋把死人聲又難聽,你估好過癮。

但每年一齊聚一聚,都肯定做到一樣野:提醒自己當年阿同學死得好 L 冤枉,如果自己掛住返工乜都唔理,下一個未必唔輪到自己,另外畀個凶手知,雖然我地宜家各有各忙各有各諗法,但全部都記得佢當年做過乜。

咁我又想拜山提醒下自己,又嫌山長水遠麻煩,咁都有人租左架旅遊巴,咪夾返少少車錢一齊去囉——最多到時唔理個sales佬啫。

個日問你今年會唔會一齊去,你話你諗返覺得自己同個死鬼同學唔熟,佢死唔關你事;你又頂唔 L 順個班搞手,覺得班友有古怪;另外你話成班友坐埋一齊搞堂九唔搭八既齋,都唔知有乜 L 野意思。咁老實講,你講既都唔係話唔合理,你覺得 on9 咪唔好蒞囉。

之但係,你唔蒞咪唔蒞囉,做乜要阻住唔畀架旅遊巴出車呢?你唔係話個凶手都日日搞緊你,你做少日野你都死得咩?架旅遊巴最多坐住班 on9 仔啫,又唔係坐住個凶手,乜你突然間咁 L 得閒理埋啲 on9 仔既,個凶手今日放你假咩?

一年後的後篇:《又拜山啫,又犯法呀?

廣告
本篇發表於 南北時政 並標籤為 。將永久鏈結加入書籤。

回應

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s