今日感言——退場警告的反思 (好很多粗口,慎入)

今晚是「退場警告」滿天飛的一天。「唔想流血 / 後悔 / 返唔到轉頭,今晚 / 星期日清晨前一定要撤」呢個消息我由十月四日下午起收到。到呢一刻為止,相類的訊息據說已被證實來自羅致光、劉進圖、新聞行政人員協會、中學校長會、兩大醫學院院長,而睇怕個list會繼續加落去。而另一方面,我身邊幾位朋友同我講,某高級AO,某某學聯內部親口同佢講,話狼狗已下令做野云云。

自928下午雨傘運動開始,「退場警告」一直冇停過——乜撚「警察要用橡膠子彈了,快撤」、「今晚十點 / 十二點 / 兩點一定要暴力清場,快退」、「今晚全天候黑社會介入,打柒班學生,快走」。當然也包括今晚收到那來自四面八方的訊息。

呢啲訊息真唔真?我真係唔知,就算最後冇射過橡膠子彈,唔代表佢地冇諗過射,可能只係佢地見人太多射都唔射唔走啲人,最後決定唔射都唔定。而另一個有黑社會介入既流言,最後又確係成真,但就係因為呢個學生會被人打的訊息好多人收到,啲人反而出晒旺角銅鑼灣保護學生,咁係有驚有險下又捱多一晚。

咁「狼狗下令星期一凌晨老虎蟹都要暴力清場」,呢個消息真唔真?我估唔到。呢幾日已經冇乜野可以估到——你琴日之前幾時有諗過你去搞完事重有差佬送你去搭的士?但我反而諗到另一樣野,咁撚多高官 / 可靠消息人士 / 接近政府人士 / 有名有姓新聞工作者 / 大學高層,又鳩又柒,齊齊出來講野,聲淚俱下。佢地好多唔似係狼狗既人,咁我當佢地真係真心,咁亦即係今晚好撚多重要人物都收到呢個訊息:

「狼狗呢個仆街真係想打撚死啲學生。」

呢個訊息恐怖之處在於,大家一向都知道並確定:

  1. 狼狗係一個仆街
  2. 狼狗係想打撚死啲學生

所以我地聽到之後真係驚——驚到連寫呢個post都有啲驚。

但我寫呢一篇,最想講既係:

咁點解全部人都真係知道狼狗係一個夠膽打撚死啲學生既仆街,我地只能夠避佢同叫啲學生避佢?點解我地要受咁樣一隻狼狗?

又點解咁撚多重要人物有咁可靠既途徑知道狼狗要打撚死啲學生,佢地唔係夾埋一齊叫停一隻叫狼狗既仆街,而係叫學生離開?

又點解係狼辦公室門口工作幾百小時既警察,宜家呢一刻係咁開會諗計過兩日點樣可以完成北京天安門解放軍鎮壓學生之後既創舉,聽狼狗命令打撚死啲學生,然後成世人望住自己個仔時諗起自己將人地個仔打撚死左或打到殘癈?

又點解班警察明知呢條仆街明明正一白癡,出埋啲鳩政策搞到自己放工之後都重要幫細路搶奶粉搶學位,同啲自由行爭路行,啲警察寧願打撚死班坐係馬路既學生,都唔諗下,就算唔擰轉面打撚死呢個坐係冷氣房鳩嗚既狼狗,都起碼拒絕執行佢個啲根本係反人類罪行既order,同埋將所知關於狼狗既罪行爆出來等佢畀天收?

既然全世界都知道,狼狗呢個order係全世界聽到都會令人喊既order,點解幾百萬人竟然冇任何一個人可以阻止佢,而只可以等佢落呢個order,然後諗執行左呢個柒order之後,點樣執佢啲屎?

我地,唔係值得更好的嗎?集會人士唔係正係度幫我地爭取一個有機會揀更好既機會嗎?我只有問題,沒有答案。

廣告
本篇發表於 南北時政, 司南感言 並標籤為 , , , , , , , , , 。將永久鏈結加入書籤。

回應

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s